Mié. May 18th, 2022

Proceso selectivo de prazas de policía local para Sanxenxo

Catro axentes incorporaranse antes de Semana Santa e o resto, que sairá da convocatoria da Academia Galega de Seguridade Pública, no mes de xuño

Sanxenxo continúa cos preparativos dos servizos de cara á tempada de verán cando a poboación increméntase exponencialmente. E é precisamente a Policía Local un dos departamentos que rexistra un maior reforzo de persoal. O persoal actual está formado por 23 axentes, 8 deles actualmente de baixa, aos que se sumarán antes de Semana Santa catro novos auxiliares e en xuño chegará o reforzo de 30 máis que sairán da convocatoria da Academia Galega de Seguridade Pública.

O proceso selectivo que se realiza de forma centralizada na Academia Galega de Seguridade Pública (Agasp) abriuse este venres 18 e concluirá o 31 de marzo. As probas incluirán un cuestionario tipo test, probas de aptitude física, e tamén deberá acreditarse o coñecemento da lingua galega ou realizar a correspondente proba de avaliación lingüística.

As solicitudes deberán presentarse preferentemente por sede electrónica da Xunta a través do formulario. Poderán inscribirse aspirantes que cumprisen xa os 18 anos, teñan título de graduado en ESO ou equivalente, e unha estatura mínima de 1,60 metros, no caso das mulleres, e 1,65, no caso dos homes.

Máis adiante, publicarase no DOG a listaxe de persoas admitidas e excluídas, e na páxina web da Agasp, as datas das probas selectivas e o resto das comunicacións relacionadas con este proceso.

Deja una respuesta

Tu dirección de correo electrónico no será publicada.

A %d blogueros les gusta esto: